Hilf dir selbst, dann hilft dir Gott
Wånn i glaub, mir geht’s schlecht,
dånn geht’s mar ah schlecht.
Wånn i glaub, mir geht’s guat,
dånn geht’s mar ah guat,
kånn g’schehgn,
wås da wöll.
Wånn i glaub, i
kånn
wås net,
dånn
kånn i’s ah net.
Wånn i glaub, i kånn’s lerna,
und i tu des ah,
dånn geht’s
meist schneller,
åls i glaub.
Wånn i glaub, i kunntat
niederfåll’n,
dånn
fåll i ah nieder.
Wånn i mi plåg
und i steh wieder auf,
dånn steh i halt auf, so oft,
åls’s mi gfreit.
Wånn i glaub, der Herrgott hätt mi
verlåss’n,
dånn bin i verlass’n.
Wånn
i mar
åber selber hilf,
dånn, nur
dånn,
dånn hilft mar ah da Herrgott.
Glaub, wås du glaubst, tua,
wås du willst,
und du wirst sehgn,
Es gschicht fåst immer des,
wås du glaubst, oder
wås du tuast,
da Herrgott gibt dar die Kråft dazua.
I wünsch dar zu Weihnåcht’n,
dass da Herrgott
dir die Kråft gibt,
des zu vollbringan,
wås
du wirkli tuast.
